برسات سے قبل خراب لائٹ, پول, وائر اور ٹرانسفرز تبدیل کئے جائیں

 زائد بل وصولی ,مسلسل بجلی کی آنکھ مچولی اور پانی سپلائی کے وقت بجلی کٹوتی سے عوام پریشان 

برسات سے قبل خراب لائٹ, پول, وائر اور ٹرانسفرز تبدیل کئے جائیں 

بجلی کمپنی کی من مانی پر اب کانگریس پارٹی لے گی کلاس : صدر اعجاز بیگ

مالیگاؤں(پریس ریلیز) شہر میں جب سے پرائیوٹ بجلی کمپنی کو ٹھیکہ دیا گیا. اس کے بعد سے ٹورینٹ کلکتہ بجلی کمپنی بنام مالیگاؤں پاور سپلائی لمیٹڈ نے من مانی شروع کر دی. جس کیخلاف کبھی بھی برسرے اقتدار اور حزب اختلاف گروپس نے آواز بلند نہیں کی. اس کے پیچھے کیا ان کی اس کمپنی میں پارٹنرشپ یا پرسنٹ پر ہے. اس کا خلاصہ اب کانگریس پارٹی کرے گی. 

مالیگاؤں کانگریس کمیٹی کی جانب سے صدر اعجاز بیگ کی قیادت میں بروز جمعرات دوپہر 12 بجے پاور ہاؤس آفس جونا آگرہ روڈ اپکار ٹھیٹر کے بازو میں ہنگامی وزٹ کی گئی اور ایک تحریری شکایت درج کرائی گی. اس موقع پر بجلی کمپنی کے ہیڈ ڈپارٹمنٹ اور اہم ذمہ داران سے ملاقات کی گئی اور بجلی کے مسائل پر جم کر بحث بھی ہوئی.

اس موقع پر اعجاز بیگ نے کہا کہ بجلی کمپنی من مانی کررہی ہے۔ ہم اس کے خلاف ہیں۔ اگر ہماری مانگ پوری نہیں ہوئی تو کانگریس پارٹی کی جانب سے مہا مورچہ نکالا جائے گا.انھوں نے کہا کہ کارخانہ داروں کو، غریبوں کو پریشان کیا جارہا ہے۔ بجلی کمپنی کی جانب سے ہفتہ وصولی بھی کی جارہی ہے۔ آدھی رات میں عوام کو پریشان کیا جارہا ہے۔ من مانے طریقے سے بل وصول کیا جارہا ہے۔ ٹورینٹ کلکتہ بجلی کمپنی کے قانون میں یہ شامل ہے کہ وہ لوڈشیڈنگ نہیں کریں گے۔ اگر بجلی کمپنی نہیں سدھریگی تو بڑے پیمانے پر احتجاج کیا جائے گا۔ اور کچھ ہوتا ہے تو بجلی کمپنی ذمہ دار ہوگی۔

ڈاکٹر منظور حسن ایوبی (چیئرمین سٹیزن ایجوکیشن سوسائٹی) نے بجلی کمپنی کو وارننگ دی کہ ابھی ہم آپ کو آگاہ کرنے کے لئے آئے ہیں۔ اگر دھاندل شاہی بند نہیں ہوئی تو ہزاروں کی تعداد میں دھرنا دیا جائے گا۔ وہی معروف سیاسی تعلیمی شخصیت جمیل کرانتی نے کہا کہ ہم پر امن طریقے سے بجلی کمپنی سے گذارش کرتے ہیں کہ وہ من مانی بند کریں۔ ہم جرم کے خلاف ہیں۔ ورنہ کل ہم بڑے پیمانے پر احتجاج کریں گے۔ اور اگر کچھ ان ہونی ہوتی ہے تو اس کی ذمہ دار بجلی کمپنی ہوگی۔

کانگریس پارٹی کی جانب سے دیئے گئے شکایتی مکتوب میں کمپنی من مانی کیخلاف مختلف مطالبات پیش کئے گئے ہیں جس میں زائد بجلی بل, اسٹرا بجلی چارج, پانی سپلائی کے وقت بجلی کی کٹوتی, جمعہ کے روز بجلی بند, زائد یونٹ بل, میٹر کی تبدیلی, بارش سے قبل لائٹ, پول, ٹرانسفر اور وائر تبدیلی کو لیکر مطالبات کئے گئے ہیں. اگر یہ مطالبات جلد پورے نہیں ہوئے تو بجلی کمپنی کا ٹھیکہ رد اور شہر سے باہر کا راستہ دکھایا جائے گا. 

اس ہنگامی دورہ میں مالیگاؤں ڈیولپمنٹ فرنٹ کے صدرواراکین, کانگریس پارٹی کے وفادار ورکر, نئے و پرانے ممبران نے شرکت کی.