مشہور و معروف کامیڈین راجو سریواستو کا 58 سال کی عمر میں دہلی میں انتقال

 مشہور و معروف کامیڈین راجو سریواستو کا 58 سال کی عمر میں دہلی میں انتقال. 

راجو کو جم میں ورزش کے دوران سینے میں درد اور لڑکھڑا کر گر جانے کے بعد 10 اگست کو ایمس دہلی میں داخل کرایا گیا تھا

 موصولہ خبر کے مطابق کامیڈین راجو سریواستو کا 58 سال کی عمر میں دہلی میں انتقال ہو گیا، ان کے اہل خانہ نے اس کی تصدیق کی۔ جم میں ورزش کے دوران سینے میں درد اور لڑکھڑا کر گر جانے کے بعد انہیں 10 اگست کو ایمس دہلی میں داخل کرایا گیا تھا۔ جہاں وہ لگاتار کومہ میں تھے اور ان کا آئی سی یو میں علاج چل رہا تھا۔

راجو شری واستو گزشتہ 41 دنوں سے اسپتال میں زیر علاج تھے۔ کافی وقت تک وینٹی لیٹر پر رہنے کے باوجود اہل خانہ اور ڈاکٹروں کو یہ امید تھی کہ وہ صحت یاب ہو کر گھر لوٹیں گے، تاہم ایسا نہیں ہو سکا اور وہ انتقال کر گئے۔