عمران مانے(تیراک) نے ڈوبتے بچے کو زندہ بچا لیا، والدین اپنے بچوں پر دھیان رکھیں

عمران مانے(تیراک) نے ڈوبتے بچے کو زندہ بچا لیا، والدین اپنے بچوں پر دھیان رکھیں

     مالیگاؤں: جیسا کہ شہریان کو اس بات کا پہلے سے علم ہے کہ اس وقت گرنا ندی میں پانی چھوڑا گیا ہے جس کی وجہ سے بچے اور نوجوان نہانے کی غرض سے گرنا ندی کا رخ کر رہے ہیں موصولہ خبر کے مطابق عمران احمد عرف مانے تیراک بھی آج دوپہر میں کسی کام کی غرض سے گرنا ندی گئے ہوئے تھے تقریباً چار بج کر دس منٹ پر ایک بچہ ڈوبنے کا شور ہوا آواز سنتے ہی عمران مانے نے اس بچے کی طرف دوڑے اور چند منٹوں میں ہی اس بچے کو زندہ باہر نکال لیا

 بچے کا نام، حسّان حسین الطاف احمد، عمر 16 سال، بجرنگ واڑی خانقاہ اشرفیہ مسجد کے پاس کا ساکن بتایا گیا لہٰذا والدین سے گزارش ہے کہ رمضان المبارک جیسے بابرکت مہینے میں اپنے بچوں پر دھیان رکھیں اور انھیں ایسے مقامات پر قطعی طور پر جانے سے روکا جائے.