شان رسالت مآب صلی اللہ علیہ وسلم میں گستاخیوں پر مسلمان خاموش تماشائی بنے رہیں یہ ممکن نہیں ؟ مالیگاؤں میں منعقدہ تحفظ ناموس رسالت صلی اللہ علیہ وسلم کنونشن سے الحاج محمد سعید نوری کا خطاب ...... ‏

شان رسالت مآب صلی اللہ علیہ وسلم میں گستاخیوں پر مسلمان خاموش تماشائی بنے رہیں یہ ممکن نہیں ؟ 

مالیگاؤں میں منعقدہ تحفظ ناموس رسالت صلی اللہ علیہ وسلم کنونشن سے الحاج محمد سعید نوری کا خطاب ...... ، 

سنی جمیعتہ العلماء مالیگاؤں کی جانب سے حاجی یوسف الیاس نے الحاج محمد سعید نوری کو محافظ ناموس رسالت ایوارڈ پیش کیا .......... ، 

………………………………………

مالیگاؤں: اسلام کی بڑھتی ہوئی مقبولیت کو دیکھتے ہوئے اسلام دشمن عناصر اسلام نت نئے طریقوں سے شان رسالت مآب ﷺ میں گستاخی پر اتر آئے ہیں، سوشل میڈیا کے ذریعے نفرت کے سوداگر مذھبی منافرت پھیلا کر دیش اور دنیا میں تقدیس رسالت ،عظمت صحابہ،عصمت امہات المؤمنین واہل بیت اطہار کی شان میں نازیبا اور شر انگیزی پر مشتمل ویڈیو اور تصاویراپلوڈ کر کے دنیا کے امن و سکون کو غارت کرنے پر تلے ہوئے ہیں اور اس کے ذریعےدنیا بھر کے مسلمانوں کے مذہبی جذبات کو مجروح کر رہے ہیں، اسی کے سد باب کی لیے ممبئی میں گزشتہ مہینے ’تحفظ ناموس رسالت بورڈ ‘ کا قیام عمل میں آیا جس کے ماتحت لیگل سیل اور مختلف کمیٹیا ں بنائی گئیں، معین ملت حضرت سید معین میاں اشرفی الجیلانی اور الحاج محمد سعید نوری کی قیادت میں ملک گیر سطح پر بورڈ کے دائرہ ء کار کو وسعت دینے کے لیے جدوجہد جاری ہے ، اسی سلسلے میں اتوار 28؍ فروری 2021ءکو ’تحفظ ناموس رسالت بورڈ ‘ کا ایک وفد الحاج سعید نوری صاحب کی قیادت میں مالیگاؤں پہنچا علما اور سرکردہ شخصیات نے وفد کا شاندار استقبال کیا رات 9؍بجے معینیہ مسجد تحفظ ناموس رسالت کنونشن کا انعقاد کیا گیا جس میں علمائے اہلسنت اور پچاس سے زائد مساجد کے ائمہ حضرات کے علاوہ ارباب علم ودانش نے شرکت کی ، اس کنونشن سے خطاب کرتے ہوئے قائد ملت الحاج محمد سعید نوری نے ’تحفظ ناموس رسالت ‘کی اہمیت و فضلیت کو بیان کیا، موصوف نے کہا کہ یہ کیسے ممکن ہو سکتا ہے کہ پیغمبر اسلام صلی اللہ علیہ وسلم کی شان مبارکہ میں گستاخیاں ہوتے رہے اور ہم خاموش تماشائی بنے رہیں؟ جس طرح کتا اپنے مالک کا وفادار ہوتا ہے اسی طرح ہم بھی اپنے آقا کریم صلی اللہ علیہ وسلم کے وفادار غلام ہیں اس لیے خاموش نہیں رہ سکتے ، ہم عہد کرتے ہیں کہ گستاخوں کے خلاف سینہ سپر رہیں گے اور اپنی استطاعت کے مطابق تحفظ ناموس رسالت کا فریضہ انجام دیں گے ، آپ نے ملک بھر کے سبھی عاشقان مصطفیٰ صلی اللہ علیہ وسلم کو اس تحریک میں شامل ہونے کی عام دعوت دی، نوری صاحب نے کہا کہ ایک مومن کیلئے ناموس رسالت سے بڑا کوئی مسئلہ نہیں ہو سکتا آپ لوگ ’تحفظ ناموس رسالت ‘ کیلئے اپنے آپ کو تیار کر لیں جو جس لائق ہے وہ اسی کے مطابق اس نیک مقصد کے لیے اپنی خدمت پیش کرنے کو تیار ہو جائے، ممبئی سے تشریف لائے تحریک درود و سلام کے سربراہ مولانا عباس رضوی اور مولانا ظفرالدین مصباحی نے بھی اس موقع پر خطاب کیا ، مشہور نعت خواں احمد رضا نوری میاں نے کنونشن کے دوران وقفہ وقفہ سے نعت پاک پیش کرکے ایک سماں باندھ دیا ، معینیہ مسجد مالیگاؤں لبیک لبیک لبیک یارسول اللہ کی صداؤں سے گونج اٹھی، علماء و دانش وروں سے مشاورت کے بعد ’تحفظ ناموس رسالت بورڈ ‘شاخ مالیگاؤں کی تشکیل کی گئی، اس بورڈ میں شامل کیے گئے اراکین کے ناموں کا اعلان الحاج محمد سعید نوری نے کنونشن میں کیا ۔ حاجی محمد یوسف الیاس ، ڈاکٹر رئیس احمد رضوی کو سرپرست ودیگر علماء وائمہ اور ارباب علم ودانش کو بورڈ کا رکن نامزد کیا گیا، اس موقع پرعلمائے اہلسنت نے خوشی کا اظہار فرمایا اور ناموس رسالت کی حفاظت کیلئے ہر وقت تیار رہنے کا یقین دلایا ۔آل انڈیا سنی جمعیۃ العلماء مالیگاؤں کی جانب سے حاجی یوسف الیاس نے علمائے اہل سنت وحاضرین مجلس کی موجودگی میں قائد ملت الحاج محمد سعید نوری کو محافظ ناموس رسالت ایوارڈ پیش کیا ۔اس موقع پر حاجی یوسف الیاس نے کہا کہ ہمارے نبی کریم صلی اللہ علیہ وسلم کے فرضی خاکے کو بی بی سی نے اپنی ہندی ویب سائٹ پر لگانے کی ناپاک جسارت کی، اس خبر کے سنتے ہی الحاج محمد سعید نوری صاحب اور حضرت سید معین اشرف میاں نے اس کے خلاف سخت ناراضگی اور غم و غصے کا اظہار کرتے ہوئے احتجاج کیا، جس کا نوٹس فوری طور پر مہاراشٹر حکومت، وزارت داخلہ اور ممبئی پولیس نے لیا اور پھر بی بی سی نے نہ صرف گستاخانہ خاکوں کو ہٹایا بلکہ اس کی اطلاع بھی الحاج محمد سعید نوری کو ای میل کے ذریعے دی اور مسلمانوں سے معذرت بھی طلب کی ، حاجی یوسف الیاس نے کہا کہ تحفظ ناموس رسالت کی اس کامیاب جدوجہد پر ملک بھر کے مسلمان الحاج محمد سعید نوری کے شکر گزار ہیں ہم نے اسی کامیاب کوشش پر نوری صاحب کی خدمت میں ایوارڈ پیش کیا ، رضوی سلیم شہزاد نے کہا کہ شان رسالت صلی اللہ علیہ وسلم میں گستاخی ناقابل برداشت ہے، یہی امت مسلمہ کے جذبات ہیں، الحاج محمد سعید نوری نے جس ایمانی جوش اور جذبے کے ساتھ تحفظ ناموس رسالت کے لیے ایک زبردست تحریک کھڑی کر دی اس کے لیے ہم انہیں خراج تحسین پیش کرتے ہیں اور اپنے شہر کے مسلمانوں کی جانب سے حضرت سید معین میاں اشرفی الجیلانی ، الحاج محمد سعید نوری اور ان کے معاون علمائے اہل سنت کو تحفظ ناموس رسالت بورڈ کے قیام پر دلی مبارک باد پیش کرتے ہوئے یہ یقین دلاتے ہیں کہ اس عنوان پر ہم ہمیشہ بورڈ کے ساتھ تعاؤن کرتے رہیں گے ......... ، 

ڈاکٹر رئیس احمد رضوی نے میڈیا کے نمائندگان سے گفتگو کرتے ہوئے کہا کہ قانونی ماہرین اور ممتاز وکلاء کی مدد سے گستاخوں کا تعاقب کرنے اور مذہبی منافرت پھیلانے کے جرم میں انہیں ملکی قانون کے تحت سزا دلوانے کا جو عزم تحفظ ناموس رسالت بورڈ نے کیا ہے وہ بڑی اہمیت کا حامل ہے، یقینی طور پر اس سے گستاخوں کے حوصلے پست ہوں گے ، مفتی واجد علی یارعلوی نے کہا کہ رسول اللہ صلی اللہ علیہ وسلم کی بے پناہ محبت ہی اک مسلمان کو دنیا و آخرت میں کامیاب و کامران کر سکتی ہے ، یہی ایمان کی اصل کسوٹی ہے ، لیکن اس کا اظہار صرف زبانی طور پر نہیں ہونا چاہیے بلکہ عملی طور پر کیا جانا چاہیے ، بورڈ کی تشکیل کرکے یہی پیغام عطائے مفتی اعظم الحاج محمد سعید نوری اور علمائے اہل سنت کی جانب سے امت مسلمہ کو دیا جارہا ہے ، مفتی نعیم رضا مصباحی، مفتی نورالحسن مصباحی، مولانا احمد رضا ازہری، حافظ احسان رضا نے بھی اس موقع پر اپنے قیمتی مشورے پیش کیے ، کنونشن کی کامیابی کے لیے قاری ہارون رضوی، غلام فرید، عقیل کرانتی، عمران رضوی، مولانا عبداللہ رضوی، امتیاز خورشید وغیرہ نے جدوجہد کی ، مفتی عرفان رضا مصباحی ، حاجی رفیق عطاری، حافظ شاہد رضوی ، حافظ عمر فاروق اشرفی ، مولانا حفیظ اللہ برکاتی، مولانا عقیل احمد رضوی ، نورالعین صابری ، صوفی رمضان چشتی کے علاوہ مصطفیٰ آفندی سر ، کاملی محمد غوث سر ، ڈاکٹر حامد اقبال ، عزیز الرحمان سر ، عمران تابانی ، غلام مصطفیٰ رضوی ، شبیر ماکڑا، سہیل تابانی، مدثر حسین رضوی، مختار عدیل ( نمائندہ انقلاب ) ، صحافی و کالم نگار خلیل عباس، حاجی عبدالقادر سیٹھ اور مساجد اہلسنّت کے ذمہ داران ، ائمہء کرام کے علاوہ آل انڈیا سنی جمیعتہ العلماء ، رضا اکیڈمی ، غریب نواز اکیڈمی، اعلیٰ حضرت فاونڈیشن ، نوری مشن ، سنی کونسل ، مفتی اعظم فاونڈیشن ، قائد ملت گروپ ، الرِضا گروپ ، مفتی مجیب اشرف فاونڈیشن ، ادارہ ء خالد بن ولید کے نمائندگان بھی اس موقع پر موجود تھے ....... ، 

.............................................