کل جماعتی تنظیم کی جانب سے الیکٹرانک و پرنٹ میڈیا نمائندوں کی ستائش و اظہار تشکر

کل جماعتی تنظیم کی جانب سے الیکٹرانک و پرنٹ میڈیا نمائندوں کی ستائش و اظہار تشکر

مالیگاؤں (نامہ نگار) ملکی پیمانے پر قومی و ملی مسائل کیلئے کارگر اور پراثر فعال و متحرک رہنے والی کل جماعتی تنظیم کی جانب سے آج بعد نماز تراویح معصوم شاہ آستانے پر الیکٹرانک و پرنٹ میڈیا کے نمائندوں سے پر تکلف ملاقات رکھی گئی ، جس میں کل جماعتی تنظیم کے اراکین نے مقامی صحافیوں کی ستائش کی ، کورونا ایام میں ان کی قربانیوں پر اظہار تشکر پیش کیا ، مبارکباد اور نیک خواہشات کا اظہار کرتے ہوئے کل جماعتی تنظیم کے اراکین نے اس بات کا برملا اظہار کیا کہ کل جماعتی تنظیم کے ہر کام میں مقامی میڈیا کا ہمیشہ مخلصانہ تعاؤن رہا ہے ، ہم امید کرتے ہیں کہ میڈیا اور کل جماعتی تنظیم کا یہ تعلق مزید خوشگوار ہوگا اور آئندہ بھی اسی طرح میڈیا کا تعاون کل جماعتی تنظیم کو درکار رہیگا ۔ تاکہ کل جماعتی تنظیم پر اثر رہتے ہوئے سماج ، قوم اور ملک کیلئے کارآمد ثابت ہوسکے ، اس موقع پر سیٹھ محمد اکبر اشرفی ، نورالعین صابری و دیگر نے صحافیوں کا شکریہ ادا کیا ، اس موقع پر. پرنٹ اور الیکٹرانک میڈیا نمائندے شریک رہے ۔