گرنا ندی بھیکن شاہ درگاہ کے پاس تحصیلدار کا دورہ، کام کرنے سے روکا۔

گرنا ندی بھیکن شاہ درگاہ کے پاس تحصیلدار کا دورہ، کام کرنے سے روکا۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

سنی تعزیہ کمیٹی اور بھیکن شاہ درگاہ ٹرسٹ کی طرف سے کامیاب نمائندگی !

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

گرنا ندی کے کنارے واقع حضرت بھیکن شاہ درگاہ جانے والے راستے پر اور محرم الحرام کے موقع پر لگنے والے میلہ کی جگہ پر اور تعزیہ جہاں دفن کئے جاتے ہیں اس کربلا کی زمین پر مدرسہ اسلامیہ دارالعلوم مالیگاؤں کے نام سے ناجائز قبضہ کرنے کے لئے سنگ بنیاد کا پروگرام بنایا گیا تھا۔ جس کے لئے حضرت بھیکن شاہ بابا درگاہ ٹرسٹ اور سنی تعزیہ کمیٹی نے اپنے اپنے طور پر قانونی کاروائی کی۔ اس کے بعد کارپوریشن کمشنر صاحب کے حکم پر پر بھاگ چار کے اتی کرمن محکمہ نے متعلقہ لوگوں کو نوٹس جاری کر دی۔ 

اسی طرح محترمہ ایڈیشنل کلکٹر صاحبہ اور محترم پرانت آفیسر صاحب کے حکم پر محترم تحصیلدار صاحب نے قلعہ پولس اسٹیشن کے پی آئی صاحب، اور دیگر کے ساتھ آج دوپہر اس جگہ پر خود آ کر تمام حالات کو دیکھتے ہوئے اس جگہ پر کسی بھی قسم کے کام لئے سختی سے منع کر دیا۔ اور پی آئی صاحب نے کہا کہ یہاں کوئی بھی کام کرنے کی کوشش کی گئی تو اس کے خلاف قانونی کارروائی کی جائے گی۔ اس جگہ پر قبضہ کرنے کی کوشش کرنے والوں نے کچھ کاغذات دکھائے، اور یہ دعویٰ کیا کہ جگہ ہماری ذاتی ملکیت ہے، مگر بھیکن شاہ درگاہ ٹرسٹ اور سنی تعزیہ کمیٹی نے زبردست نمائندگی کرتے ہوئے یہ ثابت کیا کہ کاغذات کسی اور جگہ کے ہیں، اس جگہ کے نہیں ہیں، اور یہ زمین سرکاری ملکیت کی ہے۔ بہر حال تحصیلدار صاحب نے اور قلعہ پولس اسٹیشن کے پی آئی صاحب نے یہ حکم دیا ہے کہ اس جگہ پر کوئی بھی کام نہیں ہونا چاہئے۔ یہاں پر تحصیلدار صاحب کے دورے کے موقع پر نمائندگی کرنے کے لئے سنی تعزیہ کمیٹی کے صدر ریاض احمد عطر والے، محمد رمضان محمد عباس، بھیکن شاہ بابا درگاہ ٹرسٹ کے صوفی نور العین صاحب صابری، سیٹھ اکبر اشرفی، اپنے اراکین کے ساتھ حاضر تھے، جبکہ دوسری طرف سے مفتی واصف احمد قاسمی صاحب، مولانا عبدالقیوم قاسمی صاحب، عبدالرحیم سیٹھ شالیمار اور ان کے رفقاء موجود تھے۔ اس موقع پر اخبار کے نمائندے سے بات کرتے ہوئے بھیکن شاہ درگاہ ٹرسٹ اور سنی تعزیہ کمیٹی کے زمہ داران نے کہا کہ کچھ نقلی لوگ جو دعویٰ تو حسین ہے کا کرتے ہیں، اہل بیت اطہار اور اولیاء اللہ محبت کی باتیں کرتے ہیں، مگر کام ایسا کرتے ہیں کہ اولیاء اللّٰہ کے راستے میں رکاوٹ آئے، حسینی تعزیہ داروں کو تکلیف ہو، کربلا کا نام ختم ہو جائے۔ ایسے لوگوں نے کل بھی بیگانی شادی میں عبداللہ دیوانہ کی طرح گھسنے کی کوشش کی تھی، مگر اولیاء اللہ سے محبت، اہل بیت سے سچی محبت کے طفیل اللہ تبارک وتعالیٰ نے اپنے حبیب صلی اللہ علیہ وسلم کے صدقے ہمیں کامیابی عطا کی ، اور ہم حق پر ہیں، اس لئے آگے بھی ہم کامیاب ہونگے۔